இலக்கணப்பிழை

எழுத்தாளர் : சி. சிவச்சந்திரன்மின்னஞ்சல் முகவரி: keetreal@yahoo.com



Banner


இலையுதிர் காலம்
உதிர்ப்பதற்கு எதுவுமின்றி
நான்

கீரியும் பாம்புமாய்
மனிதனும்
மனிதனும்

பழுதாய்ப்போன சோறில்
விஷம்
அடங்கிப்போனது பசி

வெற்றுச் சூப்பியை
சூப்பிக் களைத்துப்போனது
குழந்தை 
நிறுத்தியது அழுகையை

யாருமில்லாத தனிமையில்
வந்து போகின்றார்கள்
நிறையப்பேர்



அவசரத்தில் நடந்த‌
குற்றம் மூடி மறைத்தது
அவசரக்கருத்தடை

முற்றத்து ரோஜாவின்
முதல் பூ 
ஆசையாய் பறித்தவள்
சூட்டினால் 
கணவனின் புகைப்படத்திற்கு


பசிப்பது பக்தனுக்கு
படைப்பது கடவுளுக்கு

பார்வையற்றவனுக்கு
கண் கொடுக்காவிட்டாலும்
கை கொடுங்கள்

பாசம் இருக்கும்
வீட்டில் பணத்திற்குத்
தேவை குறைவு

மனிதன் சொல்வதைக்
கேட்கின்றோமோ
இல்லையோ
பல்லி சொல்வதைக்
கேட்கிறோம்



இரவினை
நீளமாக்கிக்கொண்டே
இருக்கின்றது
ஒரு கண்ணீர்த்துளி

தொலைபேசியை
அணைத்துவிட்டும்
தூங்கிவிடுவதில்லை
மனசு



குழந்தை பிறக்கின்ற‌
வலியினைவிட‌
கொடுரமானது
குழந்தை இறப்பது

பாலுக்காக மட்டும்
அழுவதில்லை
குழந்தைகள்
பாசத்திற்காகவும்தான்

விடுமுறைகள்
கொண்டாடுவதற்காகவல்ல‌
விட்டுப்போனவற்றை
செய்து முடிக்க‌

நாளாந்த கூலிக்காரனுக்குத்தான்
தெரியும் ஞாயிறின் வலி

சாமிக்கூற்றிய பாலில்
கிருமியே இருக்காதென்பது
ஜதீகம்
சாமிக்கூற்றிய பாலும்
பசிபோக்குமென்பது
தெய்வீகம்



புகைந்துகொண்டிருக்கும்
மனதில்
நிக்கோட்டின் வாசணை

புரண்டு கிடக்கும்
தண்டவாளத்தில்
பயணிக்கும் ரயில்
வாழ்க்கை



கோயில் உண்டியலா
கோயில் வாசல் திருவோடா
புண்ணியம் கூடியது எது?
கடவுளே நீயே சொல்லு

மிட்டாய் வாசத்தை
முகர்ந்துகொண்டே
மிட்டாய் விற்கிறது
ஒரு குழந்தை



அன்பைப் பயன்படுத்துங்கள்
அணைக்கமட்டும்
அடக்கவல்ல‌

யாவும் அடங்கும்
அன்பினுள்ளே

சிதறிக்கிடக்கின்றது
வாழ்க்கை
சேர்த்தெடுக்கின்றது
காதல்

அழுவதற்கு
கண்கள் தேவையில்லை
மனசு போதும்…!
Views: 309